ಸಾಮಾಜಿಕ ಜಾಲತಾಣದಲ್ಲಿ AI ಬಳಸಿ ಕಟ್ಟುಕಥೆ ಮಾಡಿದ ವಿಡಿಯೋ ತುಣುಕುಗಳನ್ನು ಪ್ರಕಟಿಸಿದ್ದಕ್ಕೆ ಮತ್ತು ರಾಷ್ಟ್ರೀಯ ಭದ್ರತೆಯನ್ನು ಗುರಿಯಾಗಿಸಿಕೊಂಡು ಯುಎಇ ಸೇನೆ ನಡೆಸುವ ಪ್ರತಿಬಂಧಕ ವೀಡಿಯೊಗಳನ್ನೂ ಪೋಸ್ಟ್ ಮಾಡಿದಕ್ಕಾಗಿ 10 ಜನರನ್ನು ಯುಎಇ ಯಲ್ಲಿ ಬಂಧಿಸಲಾಗಿದೆ ಎಂದು ವರದಿಯಾಗಿದೆ.

ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ದಾರಿತಪ್ಪಿಸುವ ಮತ್ತು ಕಟ್ಟುಕಥೆ ಮಾಡಿದ ವೀಡಿಯೊ ತುಣುಕುಗಳನ್ನು ಪ್ರಕಟಿಸಿದ್ದಕ್ಕಾಗಿ ವಿವಿಧ ರಾಷ್ಟ್ರೀಯತೆಗಳ 10 ಆರೋಪಿಗಳನ್ನು ಬಂಧಿಸಲು ಯುಎಇ ಅಟಾರ್ನಿ ಜನರಲ್ ಡಾ. ಹಮದ್ ಸೈಫ್ ಅಲ್ ಶಮ್ಸಿ ಆದೇಶಿಸಿದ್ದಾರೆ.

ಕೆಲವು ಘಟನೆಗಳನ್ನು ಸಾರ್ವಜನಿಕರನ್ನು ದಾರಿ ತಪ್ಪಿಸುವ ಮತ್ತು ರಾಷ್ಟ್ರೀಯ ಭದ್ರತೆ, ಸುವ್ಯವಸ್ಥೆ ಮತ್ತು ಸ್ಥಿರತೆಯನ್ನು ದುರ್ಬಲಗೊಳಿಸುವ ಗುರಿಯನ್ನು ಹೊಂದಿರುವ ತಪ್ಪು ಮಾಹಿತಿಯನ್ನು ಹರಡಲು ಬಳಸಿಕೊಳ್ಳಲಾಗಿದೆ ಎನ್ನಲಾಗಿದೆ.

ಶಂಕಿತರು ಯುಎಇಯ ವಿವಿಧ ಪ್ರದೇಶಗಳಲ್ಲಿ ಸ್ಫೋಟಗಳು, ಪ್ರಮುಖ ಹೆಗ್ಗುರುತುಗಳ ಮೇಲಿನ ದಾಳಿಗಳು ಮತ್ತು ದೊಡ್ಡ ಬೆಂಕಿಯನ್ನು ತಪ್ಪಾಗಿ ಚಿತ್ರಿಸಲು AI ಬಳಸಿ ರಚಿಸಲಾದ ಕಪೋಲಕಲ್ಪಿತ ವೀಡಿಯೊಗಳನ್ನು ಸಹ ಪ್ರಸಾರ ಮಾಡಿದ್ದರ ಪರಿಣಾಮ ಬಂಧಿಸಲಾಗಿದೆ.

ವಿಡಿಯೋ ನೈಜವಾಗಿರಲಿ ಅಥವಾ ಕುಶಲತೆಯಿಂದ ಮಾಡಲ್ಪಟ್ಟಿರಲಿ ಆದರೆ ಅಂತಹ ವಿಷಯವನ್ನು ಪ್ರಕಟಿಸುವುದರಿಂದ ಸಾರ್ವಜನಿಕ ಭದ್ರತೆಯ ಮೇಲೆ ಪರಿಣಾಮ ಬೀರಬಹುದು, ಗೊಂದಲವನ್ನು ಸೃಷ್ಟಿಸಬಹುದು ಮತ್ತು ಪ್ರತಿಕೂಲ ಮಾಧ್ಯಮಗಳಿಗೆ ಸತ್ಯಗಳನ್ನು ವಿರೂಪಗೊಳಿಸಲು ಅಥವಾ ರಾಷ್ಟ್ರೀಯ ಸಂಸ್ಥೆಗಳ ಮೇಲಿನ ವಿಶ್ವಾಸವನ್ನು ಹಾಳುಮಾಡಲು ವಿಷಯವನ್ನು ಒದಗಿಸಬಹುದು ಎಂದು ಅಧಿಕಾರಿಗಳು ಎಚ್ಚರಿಸಿದ್ದಾರೆ.

ಈ ರೀತಿಯ ಕೃತ್ಯಗಳು ಕನಿಷ್ಠ ಒಂದು ವರ್ಷ ಜೈಲು ಶಿಕ್ಷೆ ಮತ್ತು ಕನಿಷ್ಠ 100,000 ದಿರ್ಹಮ್ ದಂಡ ವಿಧಿಸಬಹುದಾದ ಕ್ರಿಮಿನಲ್ ಅಪರಾಧಗಳಾಗಿವೆ. ತಪ್ಪು ಮಾಹಿತಿಯನ್ನು ಉದ್ದೇಶಪೂರ್ವಕವಾಗಿ ಪ್ರಸಾರ ಮಾಡುವುದು, ಸಾರ್ವಜನಿಕ ಭದ್ರತೆಗೆ ಬೆದರಿಕೆ ಹಾಕುವುದು, ಭಯದ ಹರಡುವಿಕೆ ಮತ್ತು ಸಾಮಾಜಿಕ ಸ್ಥಿರತೆಯನ್ನು ಹಾಳುಮಾಡುವ ಪ್ರಯತ್ನಗಳಿಂದಾಗಿ ದಂಡಗಳು ಅನ್ವಯವಾಗುತ್ತದೆ ಎಂದು ಎಚ್ಚರಿಕೆ ನೀಡಲಾಗಿದೆ.