ಅಮೆರಿಕಾ–ಇಸ್ರೇಲ್ ಮತ್ತು ಇರಾನ್ ನಡುವಿನ ಉದ್ವಿಗ್ನತೆಯಿಂದಾಗಿ ಉಂಟಾದ ವಿಮಾನ ನಿರ್ಬಂಧಗಳ ಹಿನ್ನೆಲೆ ವಿದೇಶದಲ್ಲಿ ಸಿಲುಕಿಕೊಂಡಿರುವ ಯುಎಇ ನಿವಾಸಿಗಳಿಗೆ ಸರ್ಕಾರ ವಿಶೇಷ ಸಡಿಲಿಕೆ ನೀಡಿದೆ.

ಫೆಬ್ರವರಿ 28ರಿಂದ ಗಲ್ಫ್ ಪ್ರದೇಶದಲ್ಲಿ ನಡೆದ ದಾಳಿಗಳ ಪರಿಣಾಮವಾಗಿ ತಮ್ಮ ನಿವಾಸ ವೀಸಾ ಅವಧಿ ಮುಗಿದಿದ್ದರೂ ಯುಎಇಗೆ ಮರಳಲು ಸಾಧ್ಯವಾಗದವರಿಗೆ ಯಾವುದೇ ದಂಡವಿಲ್ಲದೆ ದೇಶಕ್ಕೆ ಹಿಂದಿರುಗಲು ಅವಕಾಶ ನೀಡಲಾಗಿದೆ.

ಗುರುತು, ಪೌರತ್ವ, ಕಸ್ಟಮ್ಸ್ ಮತ್ತು ಬಂದರು ಭದ್ರತೆಗಾಗಿ ಫೆಡರಲ್ ಪ್ರಾಧಿಕಾರ ಈ ಸಡಿಲಿಕೆಯನ್ನು ಮಾರ್ಚ್ 31ರವರೆಗೆ ನೀಡಿದ್ದು, ವಿದೇಶದಲ್ಲಿ ಸಿಲುಕಿರುವ ನಿವಾಸಿಗಳು ತಮ್ಮ ಕಾನೂನು ಸ್ಥಿತಿಯನ್ನು ಸರಿಪಡಿಸಿಕೊಳ್ಳಲು ಇದು ನೆರವಾಗಲಿದೆ.

ಈ ಕ್ರಮದಿಂದ ವಿದೇಶದಲ್ಲಿರುವ ಕುಟುಂಬ ಸದಸ್ಯರು ಮತ್ತೆ ಯುಎಇಗೆ ಮರಳಿ ತಮ್ಮ ಕುಟುಂಬದೊಂದಿಗೆ ಬದುಕನ್ನು ಮುಂದುವರಿಸಲು ಸಾಧ್ಯವಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.