ಮಂಗಳೂರು: ನಗರದ ಸೇಂಟ್ ಅಲೋಶಿಯಸ್ ವಿಶ್ವವಿದ್ಯಾಲಯವು ದೇಶದ ಹಸಿರು ಕ್ಯಾಂಪಸ್‌ಗಳ ಪೈಕಿ ಮಹತ್ವದ ಸಾಧನೆ ಮಾಡಿ ಮಂಗಳೂರಿನ ಕೀರ್ತಿಯನ್ನು ರಾಷ್ಟ್ರ ಮಟ್ಟದಲ್ಲಿ ಮತ್ತಷ್ಟು ಎತ್ತರಕ್ಕೇರಿಸಿದೆ.

ನ್ಯಾಷನಲ್ ಗ್ರೀನ್ ಯುನಿವರ್ಸಿಟಿ ರ್ಯಾಂಕಿಂಗ್ (NGUR) 2026ರಲ್ಲಿ ವಿಶ್ವವಿದ್ಯಾಲಯವು ರಾಷ್ಟ್ರಮಟ್ಟದಲ್ಲಿ 23ನೇ ಸ್ಥಾನ, ಕರ್ನಾಟಕದಲ್ಲಿ 4ನೇ ಸ್ಥಾನ ಹಾಗೂ ಗೋಲ್ಡ್ ರೇಟಿಂಗ್ ಪಡೆದು ಗಮನಾರ್ಹ ಸಾಧನೆ ದಾಖಲಿಸಿದೆ.

ನವೀಕರಿಸಬಹುದಾದ ಇಂಧನ (Renewable Energy), ಜೀವವೈವಿಧ್ಯ ಸಂರಕ್ಷಣೆ (Biodiversity), ತ್ಯಾಜ್ಯ ನಿರ್ವಹಣೆ (Waste Management), ಜಲ ಸಂರಕ್ಷಣೆ (Water Conservation) ಹಾಗೂ ಹವಾಮಾನ ಕ್ರಮ (Climate Action) ಕ್ಷೇತ್ರಗಳಲ್ಲಿ ತೋರಿದ ಅತ್ಯುತ್ತಮ ಕಾರ್ಯಕ್ಷಮತೆಯನ್ನು ಪರಿಗಣಿಸಿ ಈ ಗೌರವ ಲಭಿಸಿದೆ.

NGUR 2026ರ ಸಾಕ್ಷ್ಯಾಧಾರಿತ (Evidence-based) ಸುಸ್ಥಿರತೆ ಮೌಲ್ಯಮಾಪನದಲ್ಲಿ ವಿಶ್ವವಿದ್ಯಾಲಯವು 100 ಅಂಕಗಳಲ್ಲಿ 91 ಅಂಕಗಳನ್ನು ಗಳಿಸಿ ತನ್ನ ಪರಿಸರ ಸ್ನೇಹಿ ಕಾರ್ಯಚಟುವಟಿಕೆಗಳನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ.

ಇದರ ಜೊತೆಗೆ, ಲಭ್ಯ ಮಾಹಿತಿಯ ಪ್ರಕಾರ, ವಿಶ್ವವಿದ್ಯಾಲಯಕ್ಕೆ 2026ರ ನ್ಯೂಯಾರ್ಕ್‌ನಲ್ಲಿ ನಡೆಯಲಿರುವ 10ನೇ NYC Green School Conferenceಗೆ ಆಹ್ವಾನವೂ ಲಭಿಸಿರುವುದು ಮತ್ತೊಂದು ಹೆಮ್ಮೆಯ ಸಂಗತಿಯಾಗಿದೆ.