ಮಂಗಳೂರು, ಮೇ 13: ಈ ಉರಿ ಬಿಸಿಲಿನಲ್ಲಿ ವಾಹನದ ಒಳಗಡೆ ಕುಳಿತು ವಾಹನ ಚಾಲನೆ ಮಾಡುವುದೆಂದರೆ ಅದರ ಕಷ್ಟ ಚಾಲಕರಿಗೆ ಮಾತ್ರ ಅರ್ಥವಾಗಲಿದೆ. ಟಿಂಟ್ ಇಲ್ಲದ ವಾಹನಗಳಲ್ಲಿ ಸೂರ್ಯದ ನೇರ ಕಿರಣಗಳು ಒಳಗೆ ಬಂದು ತಾಪಮಾನವನ್ನು ಹೆಚ್ಚಿಸುತ್ತವೆ, ಇದು ಬೇಸಿಗೆಯಲ್ಲಿ ಹೆಚ್ಚಿನ ತೊಂದರೆ ಕೊಡುತ್ತದೆ.
ಮಂಗಳೂರು ನಗರದಲ್ಲಿ ಮೇ 2 ರಿಂದ 11 ರವರೆಗೆ ಟಿಂಟೆಡ್ ಗ್ಲಾಸ್ (Tinted Glass) ವಿರುದ್ಧ ದಕ್ಷಿಣ ಕನ್ನಡ ಟ್ರಾಫಿಕ್ ಪೊಲೀಸ್ ತಂಡಗಳು ದೊಡ್ಡ ಕಾರ್ಯಾಚರಣೆಯನ್ನು ನಡೆಸಿದ್ದವು. ಈ ಕಾರ್ಯಾಚರಣೆಯಲ್ಲಿ ಹಲವಾರು ವಾಹನಗಳಿಗೆ ದಂಡ ವಿಧಿಸಿ, ದೊಡ್ಡ ಮೊತ್ತದ ಹಣವನ್ನು ದಂಡದ ಮೂಲಕ ಒಟ್ಟುಗೂಡಿಸಿದೆ.
ಮಂಗಳೂರು ನಗರದಲ್ಲಿ ಮೇ 2 ರಿಂದ 11 ರವರೆಗೆ 504 ವಾಹನಗಳ ವಿರುದ್ಧ ಪ್ರಕರಣಗಳು ದಾಖಲಿಸಲ್ಪಟ್ಟಿದ್ದು, ₹2.53 ಲಕ್ಷ ದಂಡ ಸಂಗ್ರಹಿಸಲಾಗಿದೆ ಎಂದು ಪೊಲೀಸ್ ಇಲಾಖೆ ತಿಳಿಸಿದೆ. ಜಿಲ್ಲೆಯ 10 ಸಂಚಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಕಾರ್ಯಾಚರಣೆ ನಡೆಸಲಾಗಿದೆ.
ಕೆಲವರು ತನ್ನ ಕಾರಿಗೆ ಅಂಟಿಸಿದ್ದ ಕಪ್ಪು ಫಿಲ್ಮ್ ಗಳನ್ನು ಮತ್ತು ಅಧಿಕೃತ ಟಿಂಟ್ ಗಳನ್ನು ಸ್ಥಳದಲ್ಲಿ ಹರಿದು ಹಾಕಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದರು ಮತ್ತು ಉಲ್ಲಂಘಿಸಿದವರಿಗೆ ಸ್ಥಳದಲ್ಲೇ ಚಲನ್‌ಗಳನ್ನು ನೀಡಿದ್ದಾರೆ.
ಕರ್ನಾಟಕದಲ್ಲಿ ಟಿಂಟೆಡ್ ಗ್ಲಾಸ್ ಬಳಕೆಗೆ ಸಂಬಂಧಿಸಿದಂತೆ ವಿಧಿಸಲಾಗುವ ದಂಡಗಳು ಮತ್ತು ನಿಯಮಗಳು ಕೆಳಗಿನಂತಿವೆ:
ಕಾನೂನುಬದ್ಧ ಟಿಂಟಿಂಗ್ ನಿಯಮಗಳು
ಮುಖ್ಯ ಮತ್ತು ಹಿಂಬದಿಯ ಕಿಟಕಿಗಳು (Windshields): ಕನಿಷ್ಠ 70% ದೃಶ್ಯಮಾನ ಬೆಳಕು (VLT) ಇರಬೇಕು.
ಬದಿಯ ಕಿಟಕಿಗಳು (Side Windows): ಕನಿಷ್ಠ 50% VLT ಇರಬೇಕು.
ಈ ನಿಯಮಗಳನ್ನು ಪಾಲಿಸದಿದ್ದರೆ, ವಾಹನದ ಮಾಲೀಕರು ದಂಡವನ್ನು ಎದುರಿಸಬೇಕಾಗುತ್ತದೆ.
ದಂಡಗಳು ಮತ್ತು ಶಿಕ್ಷೆಗಳು
- ಮೊದಲ ಬಾರಿ ತಪ್ಪು: ₹100 ದಂಡ.
- ಮತ್ತೆ ತಪ್ಪು ಮಾಡಿದರೆ: ₹300 ದಂಡ.
- ಮೂರನೇ ಬಾರಿ ತಪ್ಪು ಮಾಡಿದರೆ: ವಾಹನವನ್ನು ವಶಪಡಿಸಿಕೊಳ್ಳುವ ಸಾಧ್ಯತೆ.
ಮುಖ್ಯ ಸೂಚನೆಗಳು
- ಕಾನೂನುಬದ್ಧ ಸನ್‌ಫಿಲ್ಮ್ ಬಳಕೆ: RTO ಅನುಮೋದಿತ ಸನ್‌ಫಿಲ್ಮ್‌ಗಳನ್ನು ಮಾತ್ರ ಬಳಸಿ.
- ನಿಮ್ಮ ವಾಹನದಲ್ಲಿ ಟಿಂಟೆಡ್ ಗ್ಲಾಸ್ ಬಳಕೆ ಮಾಡುತ್ತಿದ್ದರೆ, ದಯವಿಟ್ಟು ನಿಯಮಗಳನ್ನು ಪಾಲಿಸಿ ಮತ್ತು ಕಾನೂನುಬದ್ಧ ಸನ್‌ಫಿಲ್ಮ್‌ಗಳನ್ನು ಮಾತ್ರ ಬಳಸಿ.
