ಬಿಗ್ಬಾಸ್ ಮನೆಯಲ್ಲಿರುವ ಸ್ಪರ್ಧಿಗಳು ಯಾರ ಮೇಲೆಯೂ ಹಲ್ಲೆ ನಡೆಸುವಂತಿಲ್ಲ ಎಂಬ ಕಟ್ಟುನಿಟ್ಟಿನ ನಿಯಮವಿದೆ. ಇಂದು ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಗಿಲ್ಲಿ ನಟ ಅವರ ಮೇಲೆ ರಿಷಾ ಗೌಡ ಹಲ್ಲೆ ಮಾಡಿರೋದನ್ನು ತೋರಿಸಲಾಗಿದೆ.
ಬೆಳಗ್ಗೆದ್ದು ರಿಷಾ ಸ್ನಾನಕ್ಕೆ ಹೋಗಿದ್ದರು. ಈ ವೇಳೆ “ರಿಷಾ ಬಕೆಟ್ ಕೊಡೋದಿಲ್ವಾ? ಕೊಡೋದಿಲ್ಲ ಅಂತ ಹೇಳು, ನಾನೇನು ಮಾಡಬೇಕೋ, ಮಾಡ್ತೀನಿ”’ ಅಂತ ಗಿಲ್ಲಿ ನಟ ಹೇಳಿದರು. ಬಳಿಕ ಕೋಪದಲ್ಲಿದ್ದ ಗಿಲ್ಲಿ ರಿಷಾ ಸೂಟ್ಕೇಸ್ನಲ್ಲಿದ್ದ ಬಟ್ಟೆಗಳನ್ನೆಲ್ಲಾ ತಂದು ಬಾತ್ರೂಮ್ ಏರಿಯಾಗೆ ಗಿಲ್ಲಿ ನಟ ಹಾಕಿದರು. ಇದನ್ನ ಕಂಡು ಸಿಕ್ಕಾಪಟ್ಟೆ ಗರಂ ಆದ ರಿಷಾ ಗಿಲ್ಲಿ. ಏಯ್.. ಏನ್ ಮಾಡಿದ್ಧೀಯಾ?’ ಅಂತ ಜೋರಾಗಿ ಕಿರುಚುತ್ತಾರೆ. ಅಷ್ಟೇ ಅಲ್ಲದೇ ಗಿಲ್ಲಿಗೆ ರಿಷಾ ಗೌಡ ಹೊಡೆದಿದ್ದಾರೆ. ಚೀಪ್ ಚೀಪ್ ತಮಾಷೆ ಮಾಡ್ತಿದ್ದೀಯಾ ಅಂತ ಗಿಲ್ಲಿ ಮೇಲೆ ಕೂಗಾಡುವ ರಿಷಾ, ಗಿಲ್ಲಿ ಬಟ್ಟೆಗಳನ್ನೆಲ್ಲಾ ಕಿತ್ತು ಹಾಕಿದ್ದಾರೆ. ಗಿಲ್ಲಿಗೆ ಹೊಡೆದಿದ್ದಷ್ಟೇ ಅಲ್ಲ, ಗಿಲ್ಲಿನ ರಿಷಾ ಜೋರಾಗಿ ತಳ್ಳಿದ್ದಾರೆ ಕೂಡ. ಇದೀಗ ರಿಷಾ ಎಲಿಮಿನೇಟ್ ಆಗ್ತಾರಾ? ಅನ್ನೋ ಪ್ರಶ್ನೆಗಳು ಎದ್ದಿವೆ.
