ದಾಂಪತ್ಯ ಜೀವನದಲ್ಲಿ ದೈಹಿಕ ಸಮೀಪತೆಗೆ ಅಂದರೆ ಸೆಕ್ಸ್ ಮಹತ್ವ ತುಂಬಾ ಇದೆ. ಗಂಡ–ಹೆಂಡತಿಯ ನಡುವಿನ ಬಾಂಧವ್ಯ ಬಲವಾಗಲು ಇದು ಪ್ರಮುಖ ಪಾತ್ರವಹಿಸುತ್ತದೆ ಎಂಬುದನ್ನು ಯಾರೂ ತಳ್ಳಿಹಾಕಲು ಸಾಧ್ಯವಿಲ್ಲ. ಇಬ್ಬರಲ್ಲಿ ಒಬ್ಬರಿಗೆ ತೃಪ್ತಿ ಇಲ್ಲದಿದ್ದರೆ ಆ ದಾಂಪತ್ಯದಲ್ಲಿ ಅನೇಕ ಸಮಸ್ಯೆಗಳು ಹುಟ್ಟಿಕೊಳ್ಳುವ ಸಾಧ್ಯತೆ ಇದೆ. ಆದರೆ ಇಂತಹ ವಿಷಯಗಳ ಬಗ್ಗೆ ಅನೇಕ ದಂಪತಿಗಳು ಪರಸ್ಪರ ಮನಬಿಚ್ಚಿ ಮಾತನಾಡಲು ಹಿಂಜರಿಯುವುದು ಸಾಮಾನ್ಯ.

ತಮ್ಮ ಅಗತ್ಯಗಳು ಮತ್ತು ತೃಪ್ತಿ ಬಗ್ಗೆ ಓಪನ್ ಆಗಿ ಮಾತನಾಡಿದರೆ ದಾಂಪತ್ಯ ಸಂಬಂಧ ಇನ್ನಷ್ಟು ಸುಂದರವಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಗಂಡ–ಹೆಂಡತಿ ಸಂತೋಷವಾಗಿರಲು ವಾರದಲ್ಲಿ ಎಷ್ಟು ಬಾರಿ ಸಮೀಪತೆ ಇರಬೇಕು ಎಂಬ ಪ್ರಶ್ನೆ ಕೆಲವರಲ್ಲಿ ಉಂಟಾಗುತ್ತದೆ. ಆದರೆ ಸಂಶೋಧನೆಗಳ ಪ್ರಕಾರ, ವಾರದಲ್ಲಿ ಒಮ್ಮೆ ಸಮೀಪತೆ ಸಾಕು — ಆದರೆ ಇಬ್ಬರೂ ತೃಪ್ತಿಯಾಗಿರಬೇಕು ಎಂಬುದು ಮುಖ್ಯ.

ಆಧುನಿಕ ಜೀವನಶೈಲಿಯಲ್ಲಿ ಕಂಡುಬರುವ ಒತ್ತಡ, ಖಿನ್ನತೆ ಇತ್ಯಾದಿಗಳನ್ನು ದೂರ ಮಾಡುವುದರಲ್ಲಿ ಸೆಕ್ಸ್ ಸಹಕಾರಿ. ಇದು ಮನಸ್ಸಿನ ಸಮತೋಲನವನ್ನು ಕಾಪಾಡಲು ಸಹಾಯ ಮಾಡುತ್ತದೆ. ನಿಯಮಿತ ಆತ್ಮೀಯತೆಯಿಂದ ದೇಹಕ್ಕೂ ಕೆಲವು ಪ್ರಯೋಜನಗಳಿವೆ ಎಂದು ಅಧ್ಯಯನಗಳು ತಿಳಿಸುತ್ತವೆ. ಆದರೆ ಇತ್ತೀಚಿನ ದಿನಗಳಲ್ಲಿ ಕೆಲಸ, ಮನೆಕೆಲಸ, ಗ್ಯಾಜೆಟ್‌ಗಳು ಮತ್ತು ಸೋಶಿಯಲ್ ಮೀಡಿಯಾಗಳಲ್ಲಿ ಹೆಚ್ಚು ಸಮಯ ಕಳೆಯುವ ಕಾರಣ ಕೆಲವರಲ್ಲಿ ಅನ್ಯೋನ್ಯತೆ ಕಡಿಮೆಯಾಗುತ್ತಿರುವುದೂ ಸತ್ಯ.

ಅಧ್ಯಯನದ ಪ್ರಕಾರ, ಸಮೀಪತೆಯ ಅಗತ್ಯ ಮತ್ತು ಅವಧಿ ಪ್ರತೀ ದಂಪತಿಗು ಬೇರೆ. ಕೆಲವರು ಹೆಚ್ಚಾಗಿ ಬಯಸಬಹುದು, ಕೆಲವರಿಗೆ ಕಡಿಮೆ ಸಾಕಾಗಬಹುದು. ತಮ್ಮಿಬ್ಬರಿಗೂ ಅನುಕೂಲವಾದ ರೀತಿಯಲ್ಲಿ ಇದನ್ನು ನಿರ್ಧರಿಸುವುದೇ ಸರಿಯಾದ ವಿಧಾನ ಎಂದು ವರದಿ ಹೇಳುತ್ತದೆ. ವೈದ್ಯರು ಮತ್ತು ತಜ್ಞರು ವಾರಕ್ಕೊಮ್ಮೆ ಸಮೀಪತೆ ಇದ್ದರೆ ದಾಂಪತ್ಯ ಬಾಂಧವ್ಯ ಬಲವಾಗುತ್ತದೆ ಎಂದು ಅಭಿಪ್ರಾಯಪಡುತ್ತಾರೆ.

20ರ ಹರೆಯದವರು ವರ್ಷಕ್ಕೆ ಸರಾಸರಿ 80 ಬಾರಿ ಮತ್ತು 30–39ರವರು ವರ್ಷಕ್ಕೆ 86 ಬಾರಿ ಸೆಕ್ಸ್ ನಲ್ಲಿ ತೊಡಗುತ್ತಾರೆ ಎಂದು ಅಧ್ಯಯನಗಳು ಹೇಳುತ್ತವೆ. ಈ ಸಂಖ್ಯೆಗಳ ಹೊರತಾಗಿ 34% ಪುರುಷರು ತಮ್ಮ ದೈಹಿಕ ಜೀವನದ ಬಗ್ಗೆ ತೃಪ್ತಿ ಹೊಂದಿಲ್ಲವೆಂದು ಕೂಡ ಕಂಡುಬಂದಿದೆ. ಸಾಮಾನ್ಯವಾಗಿ ವಯಸ್ಕರು ವರ್ಷಕ್ಕೆ ಸುಮಾರು 54 ಬಾರಿ ಸಮೀಪತೆಯಲ್ಲಿ ತೊಡಗುತ್ತಾರೆ. ವಾರದಲ್ಲಿ ಕೆಲವು ಬಾರಿ ಸಮೀಪತೆ ಇದ್ದರೆ ಸಂಬಂಧದಲ್ಲಿ ಆತ್ಮೀಯತೆಯೂ ತೃಪ್ತಿಯೂ ಹೆಚ್ಚಾಗುತ್ತದೆ.

ಆದರೆ ಅತಿಯಾದ ಸಮೀಪತೆಯಿಂದ ಕೆಲವು ವೇಳೆ ಒತ್ತಡವೂ ಹೆಚ್ಚಬಹುದು. ಹೀಗಾಗಿ ನಿಮಗೂ, ನಿಮ್ಮ ಸಂಗಾತಿಗೂ ಅನುಕೂಲವಾಗುವ ರೀತಿಯಲ್ಲಿ ಸಮೀಪತೆಯ ಅವಧಿಯನ್ನು ನಿರ್ಧರಿಸುವುದು ಸೂಕ್ತ.