ಕೃತಕ ಬುದ್ಧಿಮತ್ತೆ (AI) ಹಲವು ಕ್ಷೇತ್ರಗಳಲ್ಲಿ ವೇಗವಾಗಿ ಬೆಳೆಯುತ್ತಿದ್ದರೂ, ಎಲ್ಲ ಕೆಲಸಗಳನ್ನು ಅದು ಸಂಪೂರ್ಣವಾಗಿ ನಿರ್ವಹಿಸಲು ಸಾಧ್ಯವಿಲ್ಲ ಎಂಬುದಕ್ಕೆ ಅಮೆರಿಕದ ವಾಹನ ತಯಾರಿಕಾ ಸಂಸ್ಥೆ ಫೋರ್ಡ್(Ford) ಒಂದು ಉದಾಹರಣೆಯಾಗಿದೆ.
ಇತ್ತೀಚೆಗೆ ಕಂಪನಿಯ ವಾಹನ ಹಾರ್ಡ್ವೇರ್ ಎಂಜಿನಿಯರಿಂಗ್ ವಿಭಾಗದ ಉಪಾಧ್ಯಕ್ಷ ಚಾರ್ಲ್ಸ್ ಪೂನ್ಮಾತನಾಡಿ, ಕೇವಲ AI ಬಳಸಿದರೆ ಉತ್ತಮ ಗುಣಮಟ್ಟದ ವಾಹನಗಳನ್ನು ತಯಾರಿಸಬಹುದು ಎಂದು ಕಂಪನಿ ಆರಂಭದಲ್ಲಿ ಭಾವಿಸಿತ್ತು ಎಂದು ತಿಳಿಸಿದ್ದಾರೆ. ಆದರೆ ನಂತರ ಅದು ಸಾಕಾಗುವುದಿಲ್ಲ ಎಂಬುದು ತಿಳಿಯಿತು ಎಂದು ಅವರು ಒಪ್ಪಿಕೊಂಡಿದ್ದಾರೆ.
ಇದರ ಪರಿಣಾಮವಾಗಿ, ಕಳೆದ ಕೆಲವು ವರ್ಷಗಳಲ್ಲಿ ಫೋರ್ಡ್ ಸುಮಾರು 350 ಅನುಭವಿ ಎಂಜಿನಿಯರ್ಗಳನ್ನುಮತ್ತೆ ಕೆಲಸಕ್ಕೆ ನೇಮಕ ಮಾಡಿಕೊಂಡಿದೆ. ಹಲವು ವರ್ಷಗಳ ಅನುಭವ ಹೊಂದಿರುವ ಈ ಎಂಜಿನಿಯರ್ಗಳು ವಾಹನಗಳ ವಿನ್ಯಾಸ, ಗುಣಮಟ್ಟ ಪರಿಶೀಲನೆ ಮತ್ತು ಸಂಕೀರ್ಣ ತಾಂತ್ರಿಕ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ.
ಆದರೆ ಇದರಿಂದ ಫೋರ್ಡ್ AI ಬಳಕೆಯನ್ನು ನಿಲ್ಲಿಸಿದೆ ಎನ್ನುವುದು ತಪ್ಪು. ಕಂಪನಿ ಈಗಲೂ AI ಆಧಾರಿತ ಗುಣಮಟ್ಟ ಪರಿಶೀಲನೆ ಸೇರಿದಂತೆ ಹಲವು ಕಾರ್ಯಗಳಲ್ಲಿ ಕೃತಕ ಬುದ್ಧಿಮತ್ತೆಯನ್ನು ಬಳಸುತ್ತಿದೆ. ಆದರೆ ಅಂತಿಮ ನಿರ್ಧಾರಗಳು ಮತ್ತು ಗುಣಮಟ್ಟದ ಪರಿಶೀಲನೆಯಲ್ಲಿ ಅನುಭವಿ ಎಂಜಿನಿಯರ್ಗಳ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ ಎಂದು ಕಂಪನಿ ಹೇಳಿದೆ.
ಈ ಬೆಳವಣಿಗೆಯಿಂದ ಒಂದು ವಿಷಯ ಸ್ಪಷ್ಟವಾಗುತ್ತದೆ. AI ಅನೇಕ ಕೆಲಸಗಳನ್ನು ವೇಗವಾಗಿ ಮತ್ತು ಪರಿಣಾಮಕಾರಿಯಾಗಿ ಮಾಡಬಲ್ಲದು. ಆದರೆ ಅನುಭವ, ತೀರ್ಮಾನ ಸಾಮರ್ಥ್ಯ ಮತ್ತು ನೈಜ ಸಮಸ್ಯೆಗಳನ್ನು ಅರ್ಥಮಾಡಿಕೊಳ್ಳುವ ಮಾನವ ಕೌಶಲ್ಯವನ್ನು ಸಂಪೂರ್ಣವಾಗಿ ಬದಲಿಸಲು ಇನ್ನೂ ಸಾಧ್ಯವಾಗಿಲ್ಲ.
ಹೀಗಾಗಿ, ಭವಿಷ್ಯದಲ್ಲಿ AI ಮತ್ತು ಮಾನವ ಅನುಭವ ಎರಡನ್ನೂ ಒಟ್ಟಿಗೆ ಬಳಸುವ ವಿಧಾನವೇ ಹೆಚ್ಚು ಪರಿಣಾಮಕಾರಿ ಎಂಬ ಸಂದೇಶವನ್ನು ಫೋರ್ಡ್ನ ಈ ನಿರ್ಧಾರ ನೀಡುತ್ತಿದೆ.
