ಇತ್ತೀಚಿನ ದಿನಗಳಲ್ಲಿ ಮಕ್ಕಳ ಮನಸ್ಸುಗಳಲ್ಲಿ ತೀವ್ರ ಒತ್ತಡ, ಆತಂಕ, ಭೀತಿಯಂಥ ಭಾವನೆಗಳು ಹೆಚ್ಚಾಗುತ್ತಿರುವುದು ಗಮನಾರ್ಹವಾಗಿದೆ. ಹಳೆ ಪೀಳಿಗೆಗೆ ಇವು ಅಪರೂಪವಾಗಿದ್ದರೆ, ಇಂದಿನ ಪೀಳಿಗೆಗೆ ಇದು ದಿನನಿತ್ಯದ ಅನುಭವವಾಗಿದೆ.

ಅತ್ಯುತ್ತಮ ಶೈಕ್ಷಣಿಕ ಸಾಧನೆ, ಸ್ಪರ್ಧಾತ್ಮಕ ವಾತಾವರಣ, ಸಾಮಾಜಿಕ ಮಾಧ್ಯಮದ ಪ್ರಭಾವ ಇವುಗಳಿಂದ ಮಕ್ಕಳ ಮೇಲೆ ಅನಿವಾರ್ಯ ಒತ್ತಡ ಬೀಳುತ್ತಿದೆ. ಈ ಒತ್ತಡಕ್ಕೆ ತತ್ತರಿಸುವ ಮಕ್ಕಳು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸದೇ ಒಳಗೊಳಗೇ ನೊಂದುಕೊಳ್ಳುವ ಪ್ರವೃತ್ತಿ ಹೆಚ್ಚಾಗಿದೆ.

ಆದ್ದರಿಂದ, ವಿದ್ಯಾರ್ಥಿಗಳಿಗೆ ಮತ್ತು ಪೋಷಕರಿಗೆ ಅನ್ವಯಿಸುವ ಕೆಲ ಸಂದೇಶಗಳು:

ವಿದ್ಯಾರ್ಥಿಗಳಿಗೆ ಸಂದೇಶ:

ನೀವು ಅನುಭವಿಸುವ ಯಾವುದೇ ಗೊಂದಲ, ಅಸಮಾಧಾನ ಅಥವಾ ಆತಂಕವನ್ನು ಒಬ್ಬರೊಂದಿಗೆ ಹಂಚಿಕೊಳ್ಳಿ.

ಮನೆಯವರು, ಗುರುಗಳು, ಸ್ನೇಹಿತರು ನಿಮಗಾಗಿ ಇದ್ದಾರೆ ಎಂಬ ಭರವಸೆಯೊಂದಿಗೆ ಮಾತನಾಡಿ.

ಜೀವನದಲ್ಲಿ ಸಂಕಟಗಳು ತಾತ್ಕಾಲಿಕವಾಗಿದ್ದು, ಅದಕ್ಕೆ ಪರಿಹಾರಗಳು ಇದ್ದೇ ಇವೆ.

ನಿಮ್ಮ ಶ್ರೇಷ್ಠತೆ ಅಂಕಗಳಲ್ಲಿ ಮಾತ್ರವಲ್ಲ, ನಿಮ್ಮ ಧೈರ್ಯ, ಸ್ನೇಹ, ಹೃದಯದ ಶುಚಿತ್ವದಲ್ಲೂ ಇದೆ.

ಪೋಷಕರಿಗೆ ಸಂದೇಶ:

ಮಕ್ಕಳೊಂದಿಗೆ ಪ್ರತಿದಿನವೂ ಸಂವಾದ ನಡೆಸಿ – ಕೇಳಿ, ಗಮನಿಸಿ, ಸ್ಪಂದಿಸಿ.

ಅವರ ಭಾವನೆಗಳಲ್ಲಿ, ಧೋರಣೆಯಲ್ಲಿ ಬದಲಾವಣೆಗಳು ಕಂಡುಬಂದರೆ ಅದನ್ನು ಗಂಭೀರವಾಗಿ ಪರಿಗಣಿಸಿ.

ಮನೆಯ ವಾತಾವರಣ ಒತ್ತಡರಹಿತವಾಗಿದ್ದು, ಸಂತೋಷದಾಯಕವಾಗಿರಲಿ.

ಸಾಧನೆಗೂ ಮಿಗಿಲಾಗಿ, ಮಕ್ಕಳ ಮಾನಸಿಕ ಶಾಂತಿ ಮತ್ತು ಭದ್ರತೆಗೆ ಮೊದಲ ಆದ್ಯತೆ ನೀಡಿ.