ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಮಹಿಳೆಯರ ಕಿಟ್ಟಿ ಪಾರ್ಟಿ ಬಹಳ ಹೆಸರನ್ನು ಪಡೆದಿದೆ. ವಿಶೇಷವಾಗಿ ನಗರದ ಮಹಿಳೆಯರಿಗೆ ಕಿಟ್ಟಿ ಪಾರ್ಟಿ ಮಾಡೋದು ಅಂದರೆ ತುಂಬಾ ಅಶಕ್ತಿದಾಯಕ ಪಾರ್ಟಿಯಾಗಿದೆ. ಸಾಮಾನ್ಯವಾಗಿ ಇದು ಮಹಿಳೆಯರ ಮಧ್ಯೆ ಸ್ನೇಹ ಹಾಗೂ ಮನರಂಜನೆಯ ವೇದಿಕೆ.

ಆದರೆ, ಸವಿತಾ ಎಂಬ ಮಹಿಳೆ, ಡಿಸಿಎಂ ಡಿಕೆ ಶಿವಕುಮಾರ್ ಮತ್ತು ಸಿಎಂ ಸಿದ್ದರಾಮಯ್ಯ ಅವರ ಹೆಸರುಗಳನ್ನು ಬಳಸಿಕೊಂಡು ಕಿಟ್ಟಿ ಪಾರ್ಟಿಗಳಿಗೆ ಹೋಗಿ, ಶ್ರೀಮಂತ ಮಹಿಳೆಯರ ಸ್ನೇಹ ಬೆಳೆಸಿ ನಂತರ ಕೋಟ್ಯಂತರ ಹಣದ ವಂಚನೆ ಮಾಡಿದ ಆರೋಪಿ ಬೆಳಕಿಗೆ ಬಂದಿದೆ.

ಕಿಟ್ಟಿ ಪಾರ್ಟಿಗಳಲ್ಲಿ ಶ್ರೀಮಂತ ಮಹಿಳೆಯರೊಂದಿಗೆ ಸ್ನೇಹ ಬೆಳೆಸಿದ ಸವಿತಾ, "ನಾನು ಡಿಸಿಎಂ ಅವರ ಬಳಿಯವಳು", "ಎಂಬಿ ಪಾಟೀಲರಂತೂ ನನ್ನ ಕುಟುಂಬ ಸ್ನೇಹಿತ" ಎಂಬ ಹಾವಭಾವ ತೋರಿಸಿ ವಿಶ್ವಾಸ ಗೆದ್ದು, ನಂತರ ಹೂಡಿಕೆ, ಚಿನ್ನದ ವ್ಯವಹಾರ, ಅಂತರರಾಷ್ಟ್ರೀಯ ಡೀಲ್ ಇತ್ಯಾದಿಗಳ ನೆಪದಲ್ಲಿ ಬರೋಬ್ಬರಿ ₹30 ಕೋಟಿಗಿಂತ ಅಧಿಕ ಮೊತ್ತವನ್ನು 20ಕ್ಕೂ ಹೆಚ್ಚು ಮಹಿಳೆಯರಿಂದ ಕಿತ್ತುಕೊಂಡಿದ್ದಾಳೆ ಎಂಬ ಆರೋಪವಿದೆ.

ಈಗ ಬಸವೇಶ್ವರ ನಗರ ಠಾಣೆಯ ಪೊಲೀಸರು ಸವಿತಾಳನ್ನು ಬಂಧಿಸಿ ಆಳವಾದ ತನಿಖೆ ಆರಂಭಿಸಿದ್ದಾರೆ. ರಾಜಕೀಯ ಹೆಸರುಗಳ ಬಳಕೆ ಮತ್ತು ಹಣಕಾಸು ವಂಚನೆಯ ಪ್ರಕರಣ ದಾಖಲಾಗಿ ತನಿಖೆ ನಡೆಸಲಾಗುವುದು.