ಬಂಟ್ವಾಳ: ಸ್ನೇಹಮಿಲನ ಕಲ್ಲಡ್ಕ ಮತ್ತು ರೋಟರಿ ಕ್ಲಬ್ ಬಂಟ್ವಾಳ ಇವರ ಸಹಯೋಗದಲ್ಲಿ, ಎ.ಜೆ. ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ, ಮಂಗಳೂರು ಇವರ ಸಹಕಾರದೊಂದಿಗೆ ಉಚಿತ ಹೃದಯ ತಪಾಸಣಾ ಶಿಬಿರವು ಬಿ.ಸಿ. ರೋಡ್‌ನ ರೋಟರಿ ಕ್ಲಬ್ ಸಭಾಂಗಣದಲ್ಲಿ ಯಶಸ್ವಿಯಾಗಿ ನಡೆಯಿತು. ಸಮಾಜಮುಖಿ ಸೇವಾ ಕಾರ್ಯಗಳಲ್ಲಿ ಸದಾ ಮುಂಚೂಣಿಯಲ್ಲಿರುವ ಸ್ನೇಹಮಿಲನ ಕಲ್ಲಡ್ಕದ ಮತ್ತೊಂದು ಮಹತ್ವದ ಸೇವಾ ಕಾರ್ಯಕ್ರಮವಾಗಿ ಈ ಶಿಬಿರ ಮೂಡಿಬಂದಿತು.

ಸ್ನೇಹಮಿಲನ ಕಲ್ಲಡ್ಕದ ಅಧ್ಯಕ್ಷರಾದ ರವೀಂದ್ರ ಸಪಲ್ಯ ಪ್ರಾಸ್ತಾವಿಕ ಭಾಷಣದ ಮೂಲಕ ಕಾರ್ಯಕ್ರಮದ ಉದ್ದೇಶವನ್ನು ವಿವರಿಸಿ ಆಗಮಿಸಿದ ಎಲ್ಲ ಅತಿಥಿಗಳು, ವೈದ್ಯರು, ಶಿಬಿರಾರ್ಥಿಗಳು ಹಾಗೂ ಸದಸ್ಯರನ್ನು ಆತ್ಮೀಯವಾಗಿ ಸ್ವಾಗತಿಸಿದರು. " ಆರೋಗ್ಯದ ಬಗ್ಗೆ ಮುನ್ನೆಚ್ಚರಿಕೆ ವಹಿಸುವುದು ಪ್ರತಿಯೊಬ್ಬರ ಜವಾಬ್ದಾರಿಯಾಗಿದ್ದು, ಇದೇ ಉದ್ದೇಶದಿಂದ ಸಾರ್ವಜನಿಕರ ಆರೋಗ್ಯದ ಹಿತದೃಷ್ಟಿಯಿಂದ ಈ ಶಿಬಿರವನ್ನು ಆಯೋಜಿಸಲಾಗಿದೆ" ಎಂದು ಅಧ್ಯಕ್ಷರು ತಿಳಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಡಾ. ರವಿಚಂದ್ರ ಬಂಟ್ವಾಳ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಡಾ. ವಾಮನ್ ನಾಯಕ್ ಅಸಿಸ್ಟೆಂಟ್ ಪ್ರೊಫೆಸರ್, ಕಮ್ಯುನಿಟಿ ಮೆಡಿಸಿನ್ ವಿಭಾಗ ಹಾಗೂ ಶ್ರೀ ಕೃಷ್ಣಪ್ಪ ಗಾಣಿಗ ಸೇರಿದಂತೆ ಗಣ್ಯರು ಉಪಸ್ಥಿತರಿದ್ದರು. ಬೊಂಡಾಲ ಶ್ರೀ ಸಚ್ಚಿದಾನಂದ ಶೆಟ್ಟಿ ಮತ್ತು ಶ್ರೀ ಜಗನ್ನಾಥ ಬಂಗೇರ ಸೇರಿದಂತೆ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ತಮ್ಮ ಹಿತನುಡಿಗಳ ಮೂಲಕ ಶಿಬಿರದ ಉದ್ದೇಶವನ್ನು ಶ್ಲಾಘಿಸಿದರು.

ಆರೋಗ್ಯ ತಪಾಸಣೆಯನ್ನು ಸಮಯಕ್ಕೆ ಸರಿಯಾಗಿ ಮಾಡಿಸಿಕೊಳ್ಳುವ ಅಗತ್ಯವನ್ನು ಅತಿಥಿಗಳು ತಿಳಿಸಿದರು. ಸ್ನೇಹಮಿಲನದ ಸಮಾಜಮುಖಿ ಸೇವಾ ಕಾರ್ಯಗಳಿಗೆ ಗಣ್ಯರು ಮೆಚ್ಚುಗೆ ವ್ಯಕ್ತಪಡಿಸಿದರು. ಶಿಬಿರಕ್ಕೆ ಸುಮಾರು 125 ಮಂದಿ ಶಿಬಿರಾರ್ಥಿಗಳು ಆಗಮಿಸಿ ವಿವಿಧ ಆರೋಗ್ಯ ತಪಾಸಣೆಗಳನ್ನು ಮಾಡಿಸಿಕೊಂಡರು.

ಶಿಬಿರಾರ್ಥಿಗಳಿಗೆ ಮೊದಲು ನೋಂದಣಿ ಮಾಡಿಸಿ, ನಂತರ ಅಗತ್ಯವಿರುವ ಪ್ರಾಥಮಿಕ ಆರೋಗ್ಯ ತಪಾಸಣೆಗಳನ್ನು ನಡೆಸಲಾಯಿತು. ರಕ್ತದೊತ್ತಡ, ಶುಗರ್ ಹಾಗೂ ECG ಪರೀಕ್ಷೆಗಳನ್ನು ನಡೆಸಲಾಯಿತು. ವೈದ್ಯರ ಸಲಹೆಯಂತೆ ಹೆಚ್ಚಿನ ಪರೀಕ್ಷೆ ಅಗತ್ಯವಿದ್ದ 17 ಶಿಬಿರಾರ್ಥಿಗಳಿಗೆ 2 ದಿನಗಳಲ್ಲಿ ಸ್ನೇಹಾಮಿಲನದ ವತಿಯಿಂದ ಬಿ ಸಿ ರೋಡ್ ಸೋಮಯಾಜಿ ಹಾಸ್ಪಿಟಲ್ ನಲ್ಲಿ ECHO ಪರೀಕ್ಷೆ ನಡೆಸುವುದೆಂದು ತೀರ್ಮಾನಿಸಲಾಯಿತು.

ವೈದ್ಯಕೀಯ ತಂಡವು ಪ್ರತಿಯೊಬ್ಬ ಶಿಬಿರಾರ್ಥಿಯ ಆರೋಗ್ಯ ಸ್ಥಿತಿಯನ್ನು ಪರಿಶೀಲಿಸಿ ಅಗತ್ಯ ಸಲಹೆ ಮತ್ತು ಮಾರ್ಗದರ್ಶನ ನೀಡಿತು. ಎ.ಜೆ. ವೈದ್ಯಕೀಯ ಮಹಾವಿದ್ಯಾಲಯದ ವೈದ್ಯರು ಹಾಗೂ ವೈದ್ಯಕೀಯ ಸಿಬ್ಬಂದಿ ಅತ್ಯಂತ ಜವಾಬ್ದಾರಿಯಿಂದ ಸೇವೆ ಸಲ್ಲಿಸಿದರು. ರೋಟರಿ ಕ್ಲಬ್ ಬಂಟ್ವಾಳದ ಸಹಕಾರವೂ ಶಿಬಿರದ ಯಶಸ್ಸಿಗೆ ಪ್ರಮುಖ ಕಾರಣವಾಯಿತು.

ಶಿಬಿರಕ್ಕೆ ಆಗಮಿಸಿದ ಅತಿಥಿಗಳು, ಶಿಬಿರಾರ್ಥಿಗಳು ಹಾಗೂ ವೈದ್ಯಕೀಯ ತಂಡದವರಿಗೆ ಸ್ನೇಹಮಿಲನದ ವತಿಯಿಂದ ಆತ್ಮೀಯ ಸತ್ಕಾರ ನೀಡಲಾಯಿತು. ಎಲ್ಲರಿಗೂ ಉಪಹಾರ ಹಾಗೂ ಮಧ್ಯಾಹ್ನದ ಊಟದ ವ್ಯವಸ್ಥೆಯನ್ನು ಅಚ್ಚುಕಟ್ಟಾಗಿ ಮಾಡಲಾಗಿತ್ತು.

ಶಿಬಿರಾರ್ಥಿಗಳನ್ನು ಸ್ವಾಗತಿಸಿ, ನೋಂದಣಿ ವಿಭಾಗದಿಂದ ವಿವಿಧ ತಪಾಸಣಾ ವಿಭಾಗಗಳಿಗೆ ಕರೆದೊಯ್ಯಲು ಸ್ನೇಹಮಿಲನದ ಸದಸ್ಯರು ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸಿದರು. BP, ಶುಗರ್, ECG ವಿಭಾಗಗಳಲ್ಲಿ ವೈದ್ಯಕೀಯ ತಂಡಕ್ಕೆ ಸದಸ್ಯರು ಉತ್ತಮ ಸಹಕಾರ ನೀಡಿದರು.

ಸಭಾಂಗಣದ ವ್ಯವಸ್ಥೆ, ಸ್ವಚ್ಛತೆ, ಊಟೋಪಚಾರ ಹಾಗೂ ಇತರ ಅಗತ್ಯ ವ್ಯವಸ್ಥೆಗಳನ್ನು ಸದಸ್ಯರು ಸಮರ್ಪಕವಾಗಿ ನಿರ್ವಹಿಸಿದರು. ಪೂರ್ವತಯಾರಿಯಿಂದ ಹಿಡಿದು ಕಾರ್ಯಕ್ರಮದ ಮುಕ್ತಾಯದವರೆಗೂ ಸ್ನೇಹಮಿಲನದ ಸದಸ್ಯರು ಒಗ್ಗಟ್ಟಿನಿಂದ ಸೇವೆ ಸಲ್ಲಿಸಿದರು. ಸದಸ್ಯರ ಸೇವಾ ಮನೋಭಾವ ಮತ್ತು ಶಿಸ್ತುಬದ್ಧ ಕಾರ್ಯವೈಖರಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.

ಈ ಕಾರ್ಯಕ್ರಮ ಕೇವಲ ಒಂದು ಆರೋಗ್ಯ ಶಿಬಿರವಾಗಿರದೆ, ಸಮಾಜದಲ್ಲಿ ಹೃದಯದ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುವ ಮಹತ್ವದ ಪ್ರಯತ್ನವೂ ಆಗಿತ್ತು. ಆರೋಗ್ಯವೇ ಜೀವನದ ನಿಜವಾದ ಸಂಪತ್ತು ಎಂಬ ಸಂದೇಶವನ್ನು ಈ ಶಿಬಿರ ಸಾರಿತು.

ಮುನ್ನೆಚ್ಚರಿಕೆಯಾಗಿ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಎಷ್ಟು ಮುಖ್ಯ ಎಂಬ ಅರಿವು ಜನರಲ್ಲಿ ಮೂಡಿತು. ಶಿಬಿರದ ಪ್ರಯೋಜನ ಪಡೆದ ಪ್ರತಿಯೊಬ್ಬ ಶಿಬಿರಾರ್ಥಿಗೂ ಈ ಸೇವೆ ಉಪಯುಕ್ತವಾಯಿತು. ವೈದ್ಯಕೀಯ ತಂಡದ ಪರಿಶ್ರಮ, ರೋಟರಿ ಕ್ಲಬ್ ಬಂಟ್ವಾಳದ ಸಹಕಾರ ಹಾಗೂ ಸ್ನೇಹಮಿಲನದ ಸದಸ್ಯರ ಒಗ್ಗಟ್ಟಿನ ಸೇವೆಯಿಂದ ಕಾರ್ಯಕ್ರಮ ಯಶಸ್ವಿಯಾಗಿ ನೆರವೇರಿತು.

ಕಾರ್ಯಕ್ರಮದ ಅಧ್ಯಕ್ಷರು ಮತ್ತು ಅತಿಥಿಗಳು ಸ್ನೇಹಮಿಲನದ ಸೇವಾ ಕಾರ್ಯಗಳನ್ನು ಪ್ರಶಂಸಿಸಿ, ಮುಂದೆಯೂ ಇಂತಹ ಸಮಾಜಮುಖಿ ಕಾರ್ಯಕ್ರಮಗಳನ್ನು ಆಯೋಜಿಸುವಂತೆ ಶುಭ ಹಾರೈಸಿದರು. ಶಿಬಿರದ ಯಶಸ್ಸಿಗೆ ಸಹಕರಿಸಿದ ಎಲ್ಲಾ ಅತಿಥಿಗಳು, ವೈದ್ಯರು, ವೈದ್ಯಕೀಯ ಸಿಬ್ಬಂದಿ, ಶಿಬಿರಾರ್ಥಿಗಳು ಹಾಗೂ ಸ್ವಯಂಸೇವಕರಿಗೆ ಹೃತ್ಪೂರ್ವಕ ಧನ್ಯವಾದಗಳನ್ನು ಸಲ್ಲಿಸಲಾಯಿತು.

ಕಾರ್ಯಕ್ರಮದ ವ್ಯವಸ್ಥೆಯಲ್ಲಿ ಶ್ರಮಿಸಿದ ಸ್ನೇಹಮಿಲನದ ಪ್ರತಿಯೊಬ್ಬ ಸದಸ್ಯರ ಸೇವೆ ನಿಜಕ್ಕೂ ಶ್ಲಾಘನೀಯವಾಗಿತ್ತು. ಒಗ್ಗಟ್ಟಿನಿಂದ ಕೆಲಸ ಮಾಡಿದರೆ ಯಾವುದೇ ಸಮಾಜಮುಖಿ ಕಾರ್ಯವನ್ನು ಯಶಸ್ವಿಗೊಳಿಸಬಹುದು ಎಂಬುದಕ್ಕೆ ಈ ಶಿಬಿರ ಉತ್ತಮ ಉದಾಹರಣೆಯಾಯಿತು.

“ಸ್ನೇಹವೇ ನಮ್ಮ ಶಕ್ತಿ – ಸೇವೆಯೇ ನಮ್ಮ ಧ್ಯೇಯ” ಎಂಬ ಸ್ನೇಹಮಿಲನದ ಆಶಯ ಮತ್ತೊಮ್ಮೆ ಸಾರ್ಥಕವಾಯಿತು. ಜನರ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವ ಇಂತಹ ಸೇವಾ ಕಾರ್ಯಗಳು ಮುಂದೆಯೂ ನಿರಂತರವಾಗಿ ನಡೆಯಲಿ ಎಂಬ ಆಶಯ ವ್ಯಕ್ತವಾಯಿತು.

ಶಿಬಿರದಲ್ಲಿ ಪಾಲ್ಗೊಂಡ ವೈದ್ಯಕೀಯ ತಂಡದ ಸೇವೆಯನ್ನು ಎಲ್ಲರೂ ಅಭಿನಂದಿಸಿದರು. ರೋಟರಿ ಕ್ಲಬ್ ಬಂಟ್ವಾಳದ ಸಹಕಾರಕ್ಕೆ ಹಾಗೂ ಎ.ಜೆ. ವೈದ್ಯಕೀಯ ಮಹಾವಿದ್ಯಾಲಯದ ವೈದ್ಯರು ಮತ್ತು ಸಿಬ್ಬಂದಿಗೆ ವಿಶೇಷ ಕೃತಜ್ಞತೆ ಸಲ್ಲಿಸಲಾಯಿತು. ಕಾರ್ಯಕ್ರಮದ ನಿರೂಪಣೆಯನ್ನು ಚಂದ್ರಹಾಸ ರೈ ಬಾಲಾಜಿಬೈಲ್ ಅವರು ಅಚ್ಚುಕಟ್ಟಾಗಿ ನಡೆಸಿಕೊಟ್ಟರು.

ಕೊನೆಯಲ್ಲಿ ಸ್ನೇಹಮಿಲನ ಕಲ್ಲಡ್ಕದ ಸದಸ್ಯರಾದ ಜಯಪ್ರಕಾಶ್ ಮೆರಾವು ಎಲ್ಲಾ ಅತಿಥಿಗಳು, ಶಿಬಿರಾರ್ಥಿಗಳು, ವೈದ್ಯಕೀಯ ತಂಡ ಹಾಗೂ ಸದಸ್ಯರಿಗೆ ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸಿದರು. ಸಮಾಜದ ಆರೋಗ್ಯಕ್ಕಾಗಿ ನಡೆದ ಈ ಅರ್ಥಪೂರ್ಣ ಹೃದಯ ತಪಾಸಣಾ ಶಿಬಿರವು ಮಹಮ್ಮದ್ ಯಾಸೀರ್ (ಕಲ್ಲಡ್ಕ ಮ್ಯೂಸಿಯಂ) ಅವರ ಮುಂದಾಳತ್ವದಲ್ಲಿ ಸ್ನೇಹಹಮಿಲನ ಕಲ್ಲಡ್ಕದ ಸೇವಾ ಪಯಣದಲ್ಲಿ ಮತ್ತೊಂದು ಸಾರ್ಥಕ ಅಧ್ಯಾಯವಾಗಿ ಮೂಡಿಬಂದಿತು.